Віншуем пераможцаў абласнога этапу рэспубліканскага творчага конкурсу юных чытальнікаў ”Жывая класіка“

На базе Віцебскага абласнога палаца дзяцей і моладзі прайшоў абласны этап рэспубліканскага творчага конкурсу юных чытальнікаў ”Жывая класіка“.

Глыбоччыну прадставілі пераможцы раённага этапу Ермаковіч Дар’я, навучэнка 3 класа ДУА ”Карабоўская сярэдняя школа Глыбоцкага раёна імя Р.І.Мацеюна“, Паўчук Яраслаў, навучэнец 6 класа ДУА ”Пліская сярэдняя школа Глыбоцкага раёна“, Дземідовіч Кацярына, навучэнка 7 класа ДУА ”Дзеркаўшчынская сярэдняя школа Гыбоцкага раёна“ і Шаура Ксенія, навучэнка 10 класа ДУА ”Сярэдняя школа № 2 г. Глыбокае“.

Дзеці з задавальненнем чыталі вершы, урыўкі з апавяданняў, казкі і басні, дэманстравалі свой талент, дзяліліся эмоцыямі, пачуццямі і перажываннямі, запрашалі журы ў свет мастацтва слова, свет лёсаў лірычных герояў. Прыгожыя, таленавітыя і харызматычныя, юныя глыбачане не пакінулі раўнадушнымі членаў журы. Як вынік – тры прызавыя месцы на конкурсе.

Віншуем Шаура Ксенію з дыпломам ІІ ступені, Ермаковіч Дар’ю і Паўчука Яраслава – з дыпломамі ІІІ ступені. Дземідовіч Кацярыне, як і ўсім удзельнікам канкурсу ”Жывая класіка“, жадаем поспехаў і новых творчых дасягненняў. У нас яшчэ ўсё наперадзе! Так трымаць!