Раённы этап рэспубліканскага творчага конкурсу юных чытальнікаў ”Жывая класіка“

20 красавіка ў ДУА “Глыбоцкая раённая гімназія” прайшоў раённы этап рэспубліканскага творчага конкурсу юных чытальнікаў ”Жывая класіка“, у якім прынялі ўдзел пераможцы школьных этапаў у чатырох узроставых групах (1-4 класы, 5-6 класы, 7-8 класы, 9-10 класы).

Канкурсанты з захапленнем чыталі творы беларускіх пісьменнікаў, артыстычна дэкламавалі байкі. Лілося пяшчотнае, ласкавае, шчырае, роднае беларускае слова. Членам журы выпала складаная задача, бо кожны з канкурсантаў быў яркі, непаўторны і пераканаўчы.

Лепшымі чытальнікамі ў сваіх катэгорыях сталі:

Ермаковіч Дар’я, вучаніца ДУА “Карабоўская сярэдняя школа Глыбоцкага раёна імя Р.І.Мацеюна”;

Паўчук Яраслаў, вучань ДУА “Пліская сярэдняя школа Глыбоцкага раёна”;

Дземідовіч Кацярына, вучаніца ДУА “Дзеркаўшчынская базавая школа Глыбоцкага раёна”;

Шаура Ксенія, вучаніца ДУА “Сярэдняя школа №2 г. Глыбокае”.

Віншуем пераможцаў і жадаем ім паспяхова выступіць на абласным этапе, які адбудзецца 24 мая 2024 года.

А.П.Вайцяховіч, намеснік дырэктара ДУДА “Центр дзяцей і моладзі Глыбоцкага раёна”