Раённы дыктант па беларускай мове

Ёсць на зямлі нямала куточкаў, якія прыцягваюць сваёй прыгажосцю і выклікаюць захапленне. Адзін з такіх - выдатны горад Глыбокае, зямля са шматвяковай гісторыяй. Глыбачане ганарацца сваёй маленькай радзімай, яе мінулым і сучасным.

Па ініцыятыве Моладзевай палаты Глыбоцкага раёна 23 сакавіка 2019 года прайшла адукацыйная акцыя, прысвечаная Году малой радзімы. Праверыць свае веды і напісаць дыктант на беларускай мове маглі ўсе, хто імкнецца далучыцца да багатай скарбонкі свайго роднага краю, яго культуры. Акцыя праходзіла ва ДУА “Глыбоцкая раённая гімназія”, ДУА “Сярэдняя школа № 1 г. Глыбокае ім. П.В.Сухога”, ДУА “Сярэдняя школа № 2 г. Глыбокае”, ДУА “Сярэдняя школа № 3 г. Глыбокае”, ДУА “Падсвільская сярэдняя школа Глыбоцкага раёна”, ДУА “Удзелаўская дзіцячы сад-сярэдняя школа Глыбоцкага раёна”, ДУА “Карабоўская дзіцячы сад-сярэдняя школа Глыбоцкага раёна ім. Р.І. Мацеюна”, ДУА “Празароцкая дзіцячы сад-сярэдняя школа Глыбоцкага раёна ім. І.Ц. Буйніцкага”, ДУА “Азярэцкая дзіцячы сад-сярэдняя школа Глыбоцкага раёна”, ДУА “Шунеўская дзіцячы сад-сярэдняя школа Глыбоцкага раёна”. Удзельнікамі мерапрыемства сталі людзі самых розных прафесій і ўзростаў: навучэнцы і педагогі школ, пенсіянеры, прадстаўнікі арганізацый і прадпрыемстваў раёна.
Моладзевая палата Глыбоцкага раёна выказвае шчырыя словы ўдзячнасці ўсім удзельнікам акцыі.

Віктар Якубёнак, старшыня МП