Пасяджэнне абласнога метадычнага савета

20-21 кастрычніка на базе ўстаноў агульнай сярэдняй адукацыі Глыбоцкага раёна адбылося выяздное пасяджэнне абласнога метадычнага савета спецыялістаў, метадыстаў аддзелаў адукацыі, спорту і турызму Віцебскай вобласці, якія курыруюць выкладанне беларускай мовы і літаратуры.

Тэма пасяджэння - “Рэалізацыя прынцыпаў дыферэнцыраванага навучання беларускай мове і літаратуры ва ўмовах пераходу на профільнае навучанне”. Удзельнікі абласнога савета наведалі ДУА “Глыбоцкая раённая гімназія”, дзе пазнаёміліся з адметнасцямі і асаблівасцямі профільнага навучання ва ўстанове адукацыі, наведалі адкрытыя ўрокі. Барткевіч Т.Ф.,настаўніца беларускай мовы і літаратуры, расказала пра сістэму работы па стварэнні атмасферы, якая спрыяе павышэнню цікавасці да вывучэння вучэбных прадметаў “Беларуская мова” і “Беларуская літаратура”. У час работы семінара ўдзельнікі азнаёміліся з сучасным адукацыйным асяроддзем у працэсе выкладання беларускай мовы на базавым і павышаным узроўнях ва ўмовах сельскай школы на базе ДУА “Удзелаўская дзіцячы сад – сярэдняя школа Глыбоцкага раёна” , ДУА “Азярэцкая дзіцячы сад – сярэдняя школа Глыбоцкага раёна”, “Празароцкая дзіцячы сад – сярэдняя школа
імя І.Ц. Буйніцкага”. Да ўвагі ўдзельнікаў быў прапанаваны фрагмент пасяджэння школьнага метадычнага аб’яднання настаўнікаў гуманітарнага цыклу “Метадычнае забеспячэнне развіцця асобы вучняў у сістэме профільнага навучання” (ДУА “Удзелаўская дзіцячы сад – сярэдняя школа). З арганізацыяй індывідуалізацыі і дыферэнцыяцыі на факультатыўным занятку ў 10 класе, арганізацыяй пазакласнай работы па прадмеце з мэтай забеспячэння дапрофільнай падрыхтоўкі вучняў пазнаёмілі ў ДУА “Азярэцкая дзіцячы сад – сярэдняя школа”. У ДУА “Празароцкая дзіцячы сад – сярэдняя школа імя І.Ц.Буйніцкага” адбылося знаёмства з сацыяльна-педагагічным праектам “Школа духоўнасці і нацыянальнай свядомасці”, быў адчынены для наведвання музей І.Ц.Буйніцкага. Для ўдзельнікаў выязднога савета была арганізаваны разгорнутая метадычная выстава “З вопыту работы настаўнікаў беларускай мовы і літаратуры Глыбоцкага раёна” і выстава-прэзентацыя творчых работ навучэнцаў. У рабоце абласнога метадычнага савета прынялі ўдзел метадыст Віцебскага абласнога інстытута развіцця адукацыі Бабашка Рыма Іосіфаўна, начальнік аддзела аддукацыі Гаўрылава Таццяна Вячаславаўна, намеснік начальніка Будзько Аліна Іванаўна, загадчык вучэбна –метадычным кабінетам аддзела адукацыі Пучынская Ганна Алегаўна, дырэктары і намеснікі дырэктароў па вучэбнай рабоце Глыбоцкай раённай гімназіі, СШ №2, Удзелаўскай дзіцячы сад – сярэдняй школы, Азярэцкай дзіцячы сад-сярэдняй школы, Празароцкай дзіцячы сад – сярэдняй школы, настаўнікі беларускай мовы і літаратуры школ раёна.

Метадыст вучэбна-метадычнага кабінета А.Н.Цішонак