Глыбокае. На чыгуначным вакзале пра бяспеку

З мэтай папярэджання пажараў і гібелі людзей ад іх па прычыне неасцярожнага абыходжання з агнём юныя ратавальнікі з сярэдняй школы № 1 сумесна з работнікамі МНС адправіліся ў залу чакання чыгуначнага вакзалу ў горадзе Глыбокае.

Да цягніка яшчэ цэлую гадзіну, а зала чакання вакзала ужо напоўнена пасажырамі. Ратавальнікі разгарнулі сваю пляцоўку і пачалі мерапрыемства. Інспектар правёў з грамадзянамі прафілактычную размову, распавёў аб небяспецы курэння і пра колькасць пажараў, якія адбыліся па прычыне неасцярожнага абыходжання з агнём.

Пасажыры, якія чакалі свой транспарт, з задавальненнем уступалі ў дыялог з ратавальнікамі. Удзельнікі акцыі прызнава той факт, што паляць ўжо даўно і што ўсё ніяк не могуць пазбавіцца ад гэтай звычкі. Юныя ратавальнікі прапанавалі пагуляць у цікавыя гульні, а ў канцоўцы і зусім прачытаць ўрачыстую клятву змагара з курэннем.

Работнікі МНС з дапамогай розных віктарын заклікалі пасажыраў клапаціцца аб сваіх блізкіх, нагадалі курцам пра тое, што яны ставяць пад пагрозу не толькі сваё жыццё, але і жыццё іншых людзей.

Усім удзельнікам акцыі нагадалі пра неабходнасць устаноўкі аўтаномных пажарных апавяшчальнікаў, пры гэтым актывісты Беларускай моладзевай грамадскай арганізацыі выратавальнікаў-пажарных уручалі жыхарам раёна памяткі з правіламі бяспекі.