Абласны этап II Рэспубліканскага фестывалю-конкурсу праектаў навучэнцаў ”Нашчадкі традыцый“

З мая 2021 года па студзень 2022 года прайшоў абласны этап II Рэспубліканскага фестывалю-конкурсу праектаў навучэнцаў ”Нашчадкі традыцый“, арганізатарамі якога з’яўляюцца Міністэрства адукацыі Рэспублікі Беларусь, установа адукацыі ”Нацыянальны цэнтр мастацкай творчасці дзяцей і моладзі“ Міністэрства адукацыі Рэспублікі Беларусь. Фестываль-конкурс праектаў ”Нашчадкі традыцый“ правадзіўся з мэтай патрыятычнага і духоўна-маральнага выхавання навучэнцаў праз іх далучэнне да каштоўнасцей беларускай культурнай спадчыны, вывучэння рэгіянальных народных традыцый і развіцця дзіцячай творчасці ў галіне беларускага народнага мастацтва .

  Удзельнікам конкурсу было прапанавана тры намінацыі: ”Народная дэкаратыўна-прыкладная творчасць: традыцыі і сучаснасць“, ”Народная творчасць: традыцыі і сучаснасць“, ”Фальклорная творчасць: традыцыі і сучаснасць“.

   У абласным этапе II Рэспубліканскага фестывалю-конкурсу праектаў навучэнцаў ”Нашчадкі традыцый“ прынялі ўдзел і навучэнцы ўзорнага тэатра моды ”Аліса“ (кіраўнік Шпакава А.А.) ДУДА ”Цэнтр дзяцей і моладзі Глыбоцкага раёна“ і прадставілі інтаграваны пошукава-даследчы праект ”Традыцыі ў будучыню“. Мэта праекта – фарміраванне ў навучэнцаў каштоўнаснага стаўлення да сваёй малой радзімы і пачуцця гонару за яе культурную спадчыну праз знаёмства з творчасцю Язэпа Драздовіча.

   На абласным этапе праект ”Традыцыі ў будучыню“ у намінацыі ”Народная творчасць: традыцыі і сучаснасць“ адзначаны дыпломам І ступені Галоўнага ўпраўлення па адукацыі Віцебскага аблвыканкама і прымае ўдзел у рэспублікансім этапе.

Віншуем навучэнцаў узорнага тэатра моды ”Аліса“ з перамогай і жадаем далейшых поспехаў!